Azərbaycanın Şuşa şəhərinin Ermənistan silahlı qüvvələri tərəfindən Rusiyanın 366-cı alayının 40 zirehli texnikasının dəstəyi ilə işğalından 27 il ötür.
Report xatırladır ki, 1992-ci il mayın 7-dən 8-nə keçən gecə erməni silahlı birləşmələri 11 minlik əsgərlə üç istiqamətdən Şuşaya hücum edib və Şuşa talan edilib.
Erməni təcavüzkarlarının Azərbaycan xalqına qarşı törətdiyi növbəti qırğın nəticəsində 195-dən çox azərbaycanlı qətlə yetirilib, 102 nəfər əlil olub, 165 nəfər itkin düşüb.