Azərbaycanda faciəvi təyyarə qəzası ABŞ-dakı Azərbaycan diasporunu kədərləndirib

Dekabrın 25-də ABŞ-dakı Azərbaycan icması Azərbaycan Hava Yollarına (AZAL) məxsus “Embraer 190” sərnişin təyyarəsinin qəzaya uğraması ilə bağlı ürəkağrıdan xəbər alıb. Təyyarə Bakıdan Qroznıya (Rusiya Federasiyası) gedərkən faciəvi hadisə baş verib.

Birləşmiş Ştatlar üzrə 19 Qeyri-Hökumət Təşkilatını (QHT) birləşdirən Amerikadakı Azərbaycan Təşkilatları Alyansı adından bu faciədə həyatını itirənlərin ailələrinə və yaxınlarına dərin hüznlə başsağlığı veririk. Xəbər icmamızın bütün üzvlərini itkiyə görə dərindən kədərləndirdi.

Biz bütün üzv təşkilatları, onların rəhbərlərini və ABŞ-dakı daha geniş Azərbaycan diasporunu təmsil edərək, həlak olanların ailələrinin kədərinə şərikik və bu çətin vaxtda dərin hüznlə başsağlığımızı bildiririk.

Allah vətənimiz Azərbaycanı qorusun.
Qoy xalqımız bu kədərə güclə dözsün və bu faciənin sonuncusu olsun.

Ürəyimiz Azərbaycanladır.